பக்கங்கள்

செவ்வாய், 11 டிசம்பர், 2012

சேமியா,ரவா கேசரி


சேமியா,ரவா கேசரி


தேவையான பொருள்கள்:
சேமியா_1 கப்
ரவை_1 கப்
சர்க்கரை_3 கப்புகள்
குங்குமப்பூ_சிறிது
ஏலக்காய்_1
முந்திரி_10
திராட்சை_10
நெய்_1/2 கப்
செய்முறை:
முதலில் சேமியா,ரவை இரண்டையும் தனித்தனியாக சிறிது நெய் ஊற்றி வறுத்துக்கொள்ளவும்.அதே பாத்திரத்தில் 4 கப்புகள் தண்னீர் ஊற்றி,குங்குமப் பூவையும் போட்டு சூடுபடுத்தவும்.(ஒரு பங்குக்கு இரண்டு பங்கு தண்ணீர் எடுத்துக்கொள்ள வேண்டும்.அப்பொழுதுதான் சேமியா,ரவை நன்றாக வேகும்.)
ஒரு கொதி வந்ததும் முதலில் சேமியாவைக் கொட்டிக் கிளறவும்.அது வெந்து வரும்போது ரவையைக் கொட்டிக் கிளறவும்.கட்டித் தட்டாமல் பார்த்துக்கொள்ளாவும்.இரண்டும் ஒன்றாகச் சேர்ந்து வெந்து வரும்போது சர்க்கரையைக் கொட்டிக் கிளறு.இப்போது கேசரி நீர்க்க ஆரம்பிக்கும்.விடாமல் கிளறிக்கொண்டே இருக்க வேண்டும்.இடையிடையே சிறிது சிறிதாக நெய்யை விட்டுக் கிளற வேண்டும்.எல்லாம் ஒன்றாகச் சேர்ந்து வெந்த பிறகு இறக்கி ஒரு தட்டில் கொட்டி ஆறவிடவும்.அல்லது அதே பாத்திரத்திலும் வைக்கலாம்.
அடுத்து ஒரு வாணலியை அடுப்பில் வைத்து சிறிது நெய் ஊற்றி முந்திரி,திராட்சை இரண்டையும் பொன்னிறமாக வறுத்துக் கேசரியில் கொட்டி (நெய்யுடன் சேர்த்து) பரப்பி விட்டு துண்டுகள் போடலாம்.
குறிப்பு:
நான் இதில் food color சேர்க்கவில்லை.விருப்பமானால்  சேர்த்துக்கொள்ளலாம்.

கருத்துகள் இல்லை:

கருத்துரையிடுக